১ এপ্ৰিলৰ দিনাই দেশবাসীৰ বাবে সুখবৰ! হ্ৰাস পালে বাণিজ্যিক গেছ চিলিণ্ডাৰৰ মূল্য। কিমান টকাকৈ হ্ৰাস গেছ চিলিণ্ডাৰৰ মূল্য়?
১ এপ্ৰিলৰ দিনাই দেশবাসীৰ বাবে সুখবৰ। দেশত হ্ৰাস পালে গেছ চিলিণ্ডাৰৰ মূল্য। বাণিজ্যিক গেছ চিলিণ্ডাৰৰ মূল্য আজিৰে পৰা হ্ৰাস পাইছে ৪১ টকা । তেল আৰু গেছ বিতৰণ কোম্পানীয়ে হ্ৰাস কৰিলে চিলিণ্ডাৰৰ মূল্য । সেই অনুসৰি আজিৰে পৰা দেশত হ্ৰাস পালে ৰন্ধন গেছ চিলিণ্ডাৰৰ মূল্য।
১৯ কিলোগ্ৰাম বাণিজ্যিক গেছ চিলিণ্ডাৰৰ মূল্য ৪১ টকা হ্ৰাস কৰিছে। চিলিণ্ডাৰৰ মূল্য হ্ৰাস কৰাৰ সিদ্ধান্তই হোটেল আৰু ৰেষ্টুৰেণ্টকে ধৰি বাণিজ্যিক ব্যৱসায়বোৰক কিছু পৰিমাণে সকাহ প্ৰদান কৰিছে ।
কিয়নো চলিত বৰ্ষৰ ১ মাৰ্চত তেল আৰু গেছ বিতৰণ কোম্পানীয়ে মুখ্য চহৰবোৰত বাণিজ্যিক গেছ চিলিণ্ডাৰৰ মূল্য ৬ টকাকৈ বৃদ্ধি কৰিছিল।
দিল্লীত বাণিজ্যিক চিলিণ্ডাৰৰ মূল্য বৰ্তমান ১৭৬২ টকা। দিল্লীত বাণিজ্যিক গেছ চিলিণ্ডাৰৰ মূল্য ১৮০৩ টকাৰ পৰা ১৭৬২ টকালৈ হ্ৰাস পায় ।
আনহাতে কলিকতাত বাণিজ্যিক চিলিণ্ডাৰৰ মূল্য ১৯১৩ টকাৰ পৰা ১৮৭২ টকালৈ হ্ৰাস পায়।
মুম্বাইত বাণিজ্যিক চিলিণ্ডাৰৰ মূল্য ১৭৫৫.৫০ টকাৰ পৰা ১৭১৪.৫০ টকালৈ হ্ৰাস।
চেন্নাইত বাণিজ্যিক চিলিণ্ডাৰৰ মূল্য ১৯৬৫.৫০ টকাৰ পৰা ১৯২৪.৫০ টকালৈ হ্ৰাস ।
যদিও বাণিজ্যিক গেছ চিলিণ্ডাৰৰ মূল্য হ্ৰাস কৰা হৈছে, তাৰ বিপৰীতে অপৰিৱৰ্তিত হৈ আছে ঘৰুৱা গেছ চিলিণ্ডাৰৰ মূল্য ।
