বৰ্ধিত উষ্ণতাত নিজকে সুস্থ কৰি ৰাখিবলৈ মানুহে নিজৰ জীৱনশৈলীত বহু পৰিৱৰ্তন কৰি আহিছে । খাদ্যৰ পৰা আৰম্ভ কৰি কাপোৰ-কানিলৈকে এই ঋতুত মানুহে সুস্থ হৈ থাকিবলৈ বহু ব্যৱস্থা গ্ৰহণ কৰে । বতৰৰ পৰিৱৰ্তনৰ প্ৰভাৱ কেৱল আমাৰ স্বাস্থ্যৰ ওপৰতেই নহয় বৰঞ্চ আমাৰ ছালৰ ওপৰতো পৰে ।
এনে পৰিস্থিতিত পৰিৱৰ্তিত বতৰৰ লগতে ছালৰ বিশেষ যত্ন লোৱাটো অতি প্ৰয়োজনীয় । যদি আপুনিও গ্ৰীষ্মকালত আপোনাৰ ছালৰ বিশেষ যত্ন ল’ব বিচাৰে, তেন্তে ইয়াৰ বাবে এই সহজ টিপছসমূহ মানি চলিব পাৰে
*খাদ্যত ভিটামিন-C অন্তৰ্ভুক্ত
আমাৰ ছালৰ বাবে ভিটামিন-C অতি গুৰুত্বপূৰ্ণ । যদি আপুনি গ্ৰীষ্মকালত আপোনাৰ আপোনাৰ খাদ্য তালিকাত ভিটামিন-C অন্তৰ্ভুক্ত কৰাটো গুৰুত্বপূৰ্ণ ইয়াৰ বাবে কমলা, নেমু, আমলখি, আঙুৰ, বিলাহী আদি খাব পাৰে
*অধিক পানী খাব লাগে
গ্রীষ্মৰ আগমনৰ লগে লগে আমাৰ শৰীৰত পানীৰ প্রয়োজনো বহুত বাঢ়ি যায় । এনে পৰিস্থিতিত সুস্থ হৈ থাকিবলৈ পৰ্যাপ্ত পৰিমাণৰ পানী সেৱন কৰাটো অতি প্ৰয়োজনীয় ।সুস্থ ছালৰ বাবে দিনে ২ৰ পৰা ৩ লিটাৰ পৰ্যন্ত পানী খাব লাগে
*ছানস্ক্ৰীণ লগাব লাগে
গ্ৰীষ্মকালত ছালৰ বিশেষ যত্ন ল’বলৈ হ’লে ৰ’দৰ ক্ষতিকাৰক ৰশ্মিৰ পৰা ইয়াক ৰক্ষা কৰাটো অতি প্ৰয়োজনীয় । ইয়াৰ বাবে দিনত ৰ’দত ওলাই নাযাবলৈ চেষ্টা কৰক । কিন্তু যদি কিবা কামৰ বাবে ৰ’দত যাবলগীয়া হয়, তেন্তে নিশ্চয়কৈ হাত, ডিঙি, ভৰি আৰু মুখত ছানস্ক্ৰীণ লগাব
*কম মেকআপ কৰিব
যদি আপুনি গ্ৰীষ্মকালত আপোনাৰ ছালখন সুস্থ কৰি তুলিব বিচাৰে তেন্তে মেকআপৰ ব্যৱহাৰ কম কৰাটো ভাল হ’ব । কম মেকআপ কৰিলে ছালে উশাহ ল’ব পাৰিব । এনে পৰিস্থিতিত মুখত গধুৰ ফাউণ্ডেচন আৰু ক্ৰীম ব্যৱহাৰ নকৰিবলৈ চেষ্টা কৰক । লগতে কেৱল জৈৱিক আৰু লঘু প্ৰসাধন সামগ্ৰী ব্যৱহাৰ কৰক ।
