প্ৰধানমন্ত্ৰী মোডীক ব্ৰাজিলৰ সৰ্বোচ্চ অসামৰিক সন্মান প্ৰদান…

ব্ৰাজিলৰ ৰাষ্ট্ৰপতি লুলাৰ সৈতে ভাৰতৰ প্ৰধানমন্ত্ৰী নৰেন্দ্ৰ মোডীৰ প্ৰতিনিধি পৰ্যায়ৰ আলোচনাত মিলিত হয়।আলোচনাৰ অন্তত ব্ৰাজিলৰ সৰ্বোচ্চ অসামৰিক সন্মান ‘গ্ৰেণ্ড কলাৰ অৱ দ্য নেচনেল অৰ্ডাৰ অৱ দ্য চাউদাৰ্ণ ক্ৰছ’ৰে সন্মানিত কৰা হ’ল ভাৰতৰ প্ৰধানমন্ত্ৰী নৰেন্দ্ৰ মোডীক। ব্ৰাজিলৰ ৰাষ্ট্ৰপতি লুইজ ইনাচিও লুলা দা চিলভাই প্ৰধানমন্ত্ৰী মোডীক এই সন্মান প্ৰদান কৰে। ভাৰত আৰু ব্ৰাজিলৰ সম্পৰ্ক সুদৃঢ় কৰাৰ বাবে এই সন্মান প্ৰদান কৰা হৈছে।
প্ৰতিনিধি পৰ্যায়ৰ আলোচনাৰ অন্তত ৰাষ্ট্ৰপতি লুলাৰ সৈতে যৌথ প্ৰেছ বিবৃতিৰ সময়ত মোডীয়ে কয়, ‘আজি ৰাষ্ট্ৰপতিয়ে ব্ৰাজিলৰ সৰ্বোচ্চ ৰাষ্ট্ৰীয় বঁটাৰে সন্মানিত হোৱাটো কেৱল মোৰ বাবেই নহয়, ১৪০ কোটি ভাৰতীয়ৰ বাবেও অপৰিসীম গৌৰৱ আৰু আৱেগৰ মুহূৰ্ত।আৰু লগতে কয় ব্ৰাজিল চৰকাৰ আৰু ব্ৰাজিলৰ জনসাধাৰণৰ প্ৰতি মই আন্তৰিক কৃতজ্ঞতা প্ৰকাশ কৰিছো।
ৰাষ্ট্ৰপতি ছিলভাই কয় যে, দুয়োখন দেশৰ মাজত সহযোগিতা বৃদ্ধিৰ ক্ষেত্ৰত প্ৰধানমন্ত্ৰী মোডীয়ে যথেষ্ট সহায় কৰিছে। দুয়োখন দেশে বহু আন্তঃৰাষ্ট্ৰীয় মঞ্চতো একেলগে কাম কৰি আহিছে। সেইবাবেই তেওঁক এই সন্মান প্ৰদান কৰা হৈছে।
উল্লেখ্য যে, ২০১৪ চনৰ মে’ মাহত প্ৰধানমন্ত্ৰী মোডীয়ে কাৰ্যভাৰ গ্ৰহণ কৰাৰ পিছত বিদেশী চৰকাৰে প্ৰধানমন্ত্ৰী মোডীক দিয়া এয়া ২৬ সংখ্যক আন্তঃৰাষ্ট্ৰীয় সন্মান। ৩ জুলাইত প্ৰধানমন্ত্ৰী নৰেন্দ্ৰ মোডীক পশ্চিম আফ্ৰিকাৰ দেশ ঘানাৰ সৰ্বোচ্চ ৰাষ্ট্ৰীয় সন্মান ‘দ্য অফিচাৰ অৱ দ্য অৰ্ডাৰ অৱ দ্য ষ্টাৰ অৱ ঘানা’ৰে সন্মানিত কৰা হৈছিল।
ভাৰতৰ প্ৰধানমন্ত্ৰীগৰাকীক তেওঁৰ ‘বিশিষ্ট ৰাষ্ট্ৰপতিত্ব আৰু প্ৰভাৱশালী বিশ্ব নেতৃত্ব’ৰ বাবে এই সন্মান প্ৰদান কৰা হৈছিল। ইয়াৰ পূৰ্বে ১৬ জুনত প্ৰধানমন্ত্ৰী নৰেন্দ্ৰ মোডীক চাইপ্ৰাছৰ সৰ্বোচ্চ অসামৰিক সন্মান ‘গ্ৰেণ্ড ক্ৰছ অৱ দ্য অৰ্ডাৰ অৱ মাকাৰিয়াছ তৃতীয়’ৰ সন্মান প্ৰদান কৰা হৈছিল ।