১১সংখ্যক আন্তঃৰাষ্ট্ৰীয় যোগ দিৱসৰ মূলমন্ত্ৰ ‘এক পৃথিৱী, এক স্বাস্থ্য’
আজি আন্তঃৰাষ্ট্ৰীয় যোগ দিৱস।(International Yoga Day 2025) ২০১৫ চনত প্ৰথমবাৰৰ বাবে বিশ্বজুৰি এই দিৱস পালন কৰা হৈছিল আৰু সকলোকে যোগাসনৰ উপকাৰিতাৰ সৈতে পৰিচয় কৰাই দিয়া হয়। সমগ্ৰ দেশতে উদযাপন কৰা হৈছে যোগ দিৱস। ১১সংখ্যক আন্তঃৰাষ্ট্ৰীয় যোগ দিৱসৰ মূলমন্ত্ৰ হৈছে ‘এক পৃথিৱী, এক স্বাস্থ্য’।
শাৰীৰিক আৰু মানসিক স্বাস্থ্যৰ বাবে যোগ এক ফলপ্ৰসূ প্ৰাকৃতিক প্ৰতিকাৰ, যিয়ে ব্যক্তিৰ ভিতৰ আৰু বাহ্যিক শৰীৰক সুস্থ কৰি ৰাখে। লগতে মানসিক সমস্যাৰ পৰাও আঁতৰাই ৰাখে মানুহক।
যোগ দিৱস উদযাপন কৰা হয় এইবাবে যাতে সকলোকে যোগৰ গুৰুত্বৰ বিষয়ে সচেতন কৰি যোগাভ্যাস কৰিবলৈ উৎসাহিত কৰা।
যোগাভ্যাস কৰি যোগ দিৱস আৰম্ভ কৰক। লগতে বন্ধু-বান্ধৱী, আত্মীয়-স্বজন আৰু ঘনিষ্ঠ লোকৰ স্বাস্থ্যৰ কথা মনত ৰাখি তেওঁলোকক যোগাসন কৰিবলৈ অনুপ্ৰাণিত কৰক।
অন্ধ্ৰপ্ৰদেশৰ বিশাখাপট্টনমত কেন্দ্ৰীয় যোগ দিৱসৰ কাৰ্যসূচীত অংশগ্ৰহণ কৰে দেশৰ প্ৰধানমন্ত্ৰী নৰেন্দ্ৰ মোদীয়ে।
দেশৰ সকলো প্ৰান্ততে আয়োজিত কৰা হৈছে যোগ দিৱস। সাধাৰণ ৰাইজৰ পৰা আৰম্ভ কৰি প্ৰতিগৰাকী লোকে অংশগ্ৰহণ কৰিছে আন্তঃৰাষ্ট্ৰীয় যোগ দিৱসত। অন্ধ্ৰপ্ৰদেশৰ বিশাখাপট্টনমত কেন্দ্ৰীয় যোগ দিৱসৰ কাৰ্যসূচীত অংশগ্ৰহণ কৰি প্ৰধানমন্ত্ৰী নৰেন্দ্ৰ মোদীয়ে কয় যে যোগাসন কৰিলে মানুহৰ স্বাস্থ্য সুস্থ হৈ থাকে।
আনহাতে বাক্সা জিলাত আয়োজিত আন্ত:ৰাষ্ট্ৰীয় যোগ দিৱস উদযাপনত অংশগ্ৰহণ কৰিলে মুখ্যমন্ত্ৰী হিমন্ত বিশ্ব শৰ্মাই।
মুম্বাইৰ আইকনিক গেটৱে অৱ ইণ্ডিয়াত আয়োজিত ১১ সংখ্যক আন্তঃৰাষ্ট্ৰীয় যোগ দিৱসত অংশগ্ৰহণ কেন্দ্ৰীয় মন্ত্ৰী সৰ্বানন্দ সোণোৱাল।
