২৮ মে’, ২০২৫ঃ ‘ভাইমণ দা’ (Bhaimon Da) হৈছে ২০২৫ চনৰ এখন অসমীয়া জীৱনীমূলক চলচ্চিত্ৰ, যি যশস্বী চলচ্চিত্ৰ নিৰ্মাতা মুনিন বৰুৱাৰ জীৱন আৰু অৱদানৰ ওপৰত আধাৰিত। শশাঙ্ক সমীৰে পৰিচালিত কৰা এই চলচ্চিত্ৰখন Zeal Creationsৰ বেনাৰত শ্যামন্তক গৌতমে প্ৰযোজনা কৰিছে। ‘ভাইমন দা’ শীৰ্ষক চলচিত্ৰখন ২৩ মে’ ২০২৫ তাৰিখে মুক্তি লাভ কৰে ।
চলচ্চিত্ৰৰ মূল বিষয়বস্তু:
চলচ্চিত্ৰখনত মুনিন বৰুৱাৰ জীৱনৰ ব্যক্তিগত আৰু পেচাদাৰী দিশবোৰ দেখুওৱা হৈছে, য’ত তেওঁৰ জীৱনৰ সংগ্ৰাম, সৃষ্টিশীলতা, আৰু অসমীয়া চিনেমা জগতত তেওঁৰ অৱদানৰ কথা বৰ্ণনা হৈছে। তেওঁক স্নেহভাৱে সকলোৱে “ভাইমণ দা” বুলি সম্বোধন কৰিছিল, সেয়েহে চলচ্চিত্ৰখনৰ শিৰোনামটি তেওঁৰ এই নামতেই ৰখা হৈছে ।
মুখ্য অভিনেতাসকল:
এই ছবিখনত ৩৬০ৰো অধিক অভিনেতা-অভিনেত্ৰীয়ে বিভিন্ন চৰিত্ৰত অভিনয় কৰিছে । তাৰ ভিতৰত মুখ্য চৰিত্ৰ কেইটিমান হ’ল বনদ্বীপ শৰ্মা, যশশ্ৰী ভূঞা, গুনাকৰ দেৱ গোস্বামী, পাকিজা বেগম, গীতাৰ্থ শৰ্মা, অৰ্ঘদ্বীপ বৰুৱা, নীলিম দত্ত, কৌশিক ভৰদ্বাজ, নিৰুপম শইকীয়া ।
সংগীত আৰু প্ৰযুক্তি:
চলচ্চিত্ৰ খনৰ সংগীত পৰিচালনা জুবিন গাৰ্গ আৰু পৰাণ বৰকটকীৰ দ্বাৰা কৰা হৈছে।
‘ভাইমন দা’ ছবিখন মুনিন বৰুৱাৰ জীৱন আৰু কৰ্মৰাজিৰ ওপৰত আধাৰিত হৈ অসমীয়া চলচ্চিত্ৰ জগতৰ ইতিহাস আৰু বিকাশৰ এক সজীৱ প্ৰতিচ্ছবি ৰূপে দৰ্শকৰ আগত উপস্থিত হৈছে। ছবিখনে মুনিন বৰুৱাৰ ব্যক্তিগত আৰু পেচাদাৰী জীৱনৰ বিভিন্ন দিশ দৰ্শকক দেখুৱাইছে, যিয়ে অসমীয়া চলচ্চিত্ৰৰ বিকাশত তেওঁৰ অৱদানক সন্মান জনাইছে । ছবি খনৰ ট্ৰেইলাৰ ইউটিউব ত উপলব্ধ কিন্তু সম্পূৰ্ণ ছবি খন আপুনি ছবিগৃহত হে উপভোগ কৰিব পাৰিব ।
